Një tjetër ngjarje tronditëse ka ndodhur ditën e sotme, në qytetin e Elbasanit.
Burime nga policia bëjnë me dije se është gjendur i vetëvarur në banesën e tij pronari i një pike ‘exchange’ në afërsi të Elbasanit.
Bëhet fjalë për shtetasin Artan Sanço, i cili është gjetur i vdekur në shtëpinë e tij nga familjarët. Mendohet se ai është vetëmbytur me kabëll antene, të cilin e kishte fiksuar në tavanin e tualetit.
Njoftimi i policisë
Elbasan/ Informacion paraprak
Në lagjen “Emin Matraxhiu”, Elbasan, në banesën e tij është gjetur i vetëvarur pa shenja jete shtetasi A.S., 54 vjeç.
Nga këqyrja paraprake e kufomës nuk janë konstatuar shenja dhune përveçse ato të shkaktuara nga vetëvarja. Ndërkohë në fshatin Stravaj , Librazhd, është gjetur i vetëvarur pa shenja jete shtetasi F.A., 30 vjeç.
Nga këqyrja paraprak e kufomës nuk janë konstatuar shenja dhune përveçse shenja të shkaktuar nga vetëvarja . Grupi hetimor po punon për zbardhjen dhe dokumentimin e plotë të rregullave të ngjarjes.
