Një sherr që ka degraduar në përdorimin e armëve të ftohta është regjistruar këtë të premte, në afërsi të shkollës “Shejnaze Juka” në Shkodër.
Sipas raportimeve, disa nxënës janë konfliktuar mes tyre për arsye ende të paqarta, ndërsa si pasojë e sherrit ka mbetur i plagosur një prej tyre.
Ky i fundit është transportuar në spitalin rajonal të Shkodrës ku po merr mjekim.
Nuk dihen ende shkaqet dhe rrethanat e sherrit, policia ndodhet në vendngjarje.










