Deputeti demokrat Kreshnik Çollaku ka rrëfyer momentin e tmerrshëm nga ngjarja e tmerrshme që ndodhi sot në Himarë. I ndodhur 20 metra larg vendit të ngjarjes, kur ish-efektivi i policisë përplasi për vdekje me skaf fëmijën në Himarë, Çollaku tregon se si në pak sekonda motoskafi mori fëmijët përpara, duke lënë të vdekur në vend vajzën 5-vjeçare Ai tha se fëmija ndodhej në breg dhe familjarët e tij ishin pranë, duke e quajtur të gjithën një çmenduri.
“Fëmija ishte në breg të detit pranë çadrës. Dukej si çmenduri, si mund të lejohet? Familja ishte prezent, duhej vendim drastik para se të ndodhte. Një tmerr i vërtetë , isha 20 metra larg vendngjarjes. Është jashtë çdo lloj logjike, në pamje të parë ka një mirëqenie që një efektiv i thjeshtë s mund ta ketë. Këta janë të papërgjegjshëm, duhet absolutisht marrja e masave për personazhe të tilla, tronditëse e gjitha”, u shpreh ai.
Ndërsa u shpreh se këto ngjarje ndodhin nga moskontrolli dhe injoranca, deputeti bëri thirrje që të merren masa urgjente për pezullimin e lundrimit të skafeve pranë bregut për të parandaluar ngjarje të tilla.
