Policia ka vënë në pranga autorin e vrasjes së 35 vjeçarit, ngjarjes së rëndë që ndodhi ditën e djeshme në qytetin e Durrësit.
Është arrestuar shtetasi Eduart Xhaferri, 54 vjeç, banues në Durrës, i cili ditën e djeshme, për motive të dobëta ka goditur më armë gjahu duke i shkaktuar vdekjen e menjëhershme L. Q., 35 vjeç.
Si pasojë e një konflikti çasti për motive të dobëta shtetasi L. Q. ka goditur me thikë shtetasin Y. Sh. 65 vjeç, banues në Durrës, i cili ka ndërruar jetë në Spitalin Rajonal Durrës.
Më pas shtetasi L.Q. ka goditur me thikë edhe shtetasin E. Xh., ku ky i fundit ka marrë armën e gjahut tip Shotgan 5, kalibri 12 mm, të cilën e kishte në mjetin e tij dhe ka qëlluar shtetasin L. Q., nga brenda mjetit të tij tip Nissan.
Shtetasi E. Xh. në momentin që është goditur me thikë nga shtetasi L. Q. ka qenë brenda mjetit tip Nissan, ku edhe menjëherë ka marrë armën e gjahut dhe ka goditur shtetasin L. Q..
