Në Shkodër është arrestuar një punonjës policie pas publikimit të një denoncimi në newsbomb.al. Berhan Bajraktari, specialist i policimit në komunitet Gruemirë, komisariati Policisë Malësi e Madhe është arrestuar pas denoncimit të nënës së një 15-vjeçareje, e cila shkruante se polici kishte ngacmuar seksualisht vajzën e saj.
Në videon e publikuar në youtube duket një burrë i cili masturbohet. Mësohet se gruaja ka shkuar për të bërë denoncimin por nuk është lejuar madje është kërcënuar.
Zyrtarisht policia e Shtetit ka informuar vetëm arrestimin e Berhan Bajraktarit, si dhe pozicionin që ai mban në polici duke deklaruar se për detaje do informojë më vonë.
