Një 40-vjeçar shqiptar është arrestuar ditën e sotme nga policia në Greqi, ka ngacmuar seksualisht një 14-vjeçare në Athinë. Lajmi është bërë i ditur nga mediat greke, të cilat shkruajnë se videot e hotelit kanë kapur momentin kur shqiptari tentonte të joshte të miturën për të futur në dhomën e tij.
Policia po shqyrton videot nga kamerat e sigurisë së hotelit për të përcaktuar rolin e dy burrave. Sipas të dhënave, në orët e para të së dielës, 40-vjeçari me origjinë shqiptare e kishte marrë 14-vjeçaren në dhomën 303 të hotelit, teksa tha se e kishte parë duke ecur e vetme rrugëve. Ai e ka joshur vajzën e mitur të cilën e njihte shumë mirë pasi 40-vjeçari mësohet se kishte miqësi me familjen e saj.
14-vjeçarja, e cila sipas prindërve ishte zhdukur që prej pasdites së shtunës, ka postuar në rrjetet sociale një foto nga dhoma e hotelit në orët e para të së dielës. Nëna e saj e pa postimin dhe menjëherë thirri policinë. Menjëherë pas kësaj, prindërit e saj kanë mbërritur në hotel dhe kanë gjetur policët duke arrestuar 40-vjeçarin. I akuzuari ka mohuar që të ketë joshur 14-vjeçaren dhe ka tentuar të arratiset.
Sipas informacioneve, 40-vjeçari mësohet se ka abuzuar me 14-vjeçaren që në verë. Nëna e saj e kishte kuptuar që 40-vjeçari, baba i dy fëmijëve i ishte afruar të bijës dhe ai i tha se e shihte si vajzën e tij. Deri më tani, 40-vjeçari mohon akuzat ndërsa vajza po kontrollohet nga mjekët në një spital publik.
