Gjykata ka lënë në burg pa afat çiftin nga Vlora që tentuan të grabisin një argjendari në Shkodër. Anisa dhe Arben Hoxhaj tentuan që të grabisnin argjendarinë më 27 janar, ndërkohë që u hasën me rezistencën e pronarit të biznesit.
Në media qarkullon video ku shihet momenti që çifti hidhet në sulm për të kryer planin e tyre që iu rezultoi i dështuar. Mësohet se, ka qenë pikërisht gruaja ajo që nxjerr me shpejtësi një spray paralizues dhe iu hedh në fytyrë pronarit dhe shitëses, ndërsa bashkëshorti i saj tenton të marrë bizhuteritë.
Por pavarësisht tentativës, pronari i argjendarisë i ka ndjekur bashkë me shitësen, duke i ndaluar në hyrje të dyqanit. Në fund, çifti u arrestua nga policia dhe ndodhet në burg.
