Arsen Venger (trajner i Arsenalit): Kam 19 vjet i ulur në këtë pankinë dhe më ka ardhur në majë të hundës t’i përgjigjem të njëjtës pyetje: A je i aftë sa duhet për të drejtuar këtë skuadër? Duhet të vazhdoj t’i bind që jam, ndërkohë që prej 35 vjetësh punoj në nivele të larta. Unë nuk jam në “Tëitter”, nuk ftoj njeri për drekë dhe nuk bëj të sjellshmin me askënd. Punoj, punoj dhe vetëm punoj”.
Nikola Sansone (sulmues i Sasuolos): “A është e vërtetë nëse nga interist jam kthyer në milanist pas 5 majit 2002? Ndoshta nuk ka qenë fiks 5 maj, por kur e kuptova që interi nuk fiton kurrë, por edhe sepse më pëlqente shumë Kaka”.
Pol Skolls (ish-mesfushor i Mançester Junaitid): “Mançesteri duhet të luftojë çdo vit për të fituar Premier League dhe Champions dhe jo të përfundojë i katërti dhe të fitojë FA Cup. Pikërisht për këtë trofe feston çdo vit Arsenali”.
Alvaro Arbeloa (mbrojtës i Real Madrid): Mund t’ia spjegoj të gjithëve pse jam armik i Pikesë, megjithëse mund të mos bëj figurë të mirë. E vërteta është që unë e njoh familjen e tij dhe kam respekt, ndërkohë që atij i mungon për timen. Ndërsa për penalltinë me dy takime të Mesit me Suarez? Kam thënë që është diçka e vjetër, Kruif e ka bërë 80 vjet më parë. Thjeshtë u tallën me kundërshtarin”.
Samuel Eto (sulmues i Antaliaspor): “Nuk jam unë ai që ka luajtur me Mesin, por Mesi që ka luajtur me mua”.
Luis Fernandes (ish-trajner i Paris SG): “Ibrahimoviç luan në një kampionat mesatar, ku Levandovski apo Suarez nuk do të shënonin 25 gola, por 70. E kanë marrë për të fituar Champions dhe jo kampionatin. Në rast të kundërt atij duhet t’i thonë: Lamtumirë, sepse do të marrim dikë për të fituar”.
Eusebio Di Françesko (trajner i Sasuolos): Zeman? Problemi është se kur niset për të të thënë dy gjëra të merr gjithë ditën. Ndërsa kur fitova kampionatin në Serinë B më dërgoi një mesazh shumë të gjatë, ku shkruante: Bravo”.
Xhorxho Kielini (mbrojtës i Juventusit): “Njohja individualisht e kundërshtarëve të bën të kuptosh edhe karakteristikat e tyre. Kristiano Ronaldon mund ta mbulosh duke e penguar të futet në të djathtë, ndërsa për Mesin duhet të bësh kryqin”.
Roberto Mançini (trajner i Interit): “Në fillim të kampionatit donin të shkarkonin Alegrin, ndërsa tani janë të gatshëm t’i ofrojnë një kontratë 20-vjeçare. Në fillim unë duhet të qëndroja tek Interi 56 vjet, ndërsa tani duan të më shkarkojnë. Ish-kolegët e mi futbollistë? Të flasësh është shumë e thjeshtë, pasi nuk kushton asgjë dhe unë e kuptoj që një ditë më mbrapa askush nuk do të thotë: Unë e thash këtë, por nuk është tamam kështu”.
Andrea Konsili (portjer i Sasuolos) drejtuar Alfred Dankan: “Donte të bënte gazetarin? Po në Gana nuk ka fare gazeta”.
