Pak ditë më parë bëri bujë lajmi se Ricky Martin ishte paditur nga ish menaxherja e tij për 3 milion dollarë. Padia u ngrit në Gjykatën Qendrore të Qarkut të Los Anxhelosit, ku pretendohet se këngëtari “ka refuzuar që t’i paguante milionë dollarë në komisione që ai i detyrohej asaj”.
Drucker e menaxhoi këngëtarin portorikan nga 2014-2018 dhe përsëri nga 2020-2022. Sipas Drucker, “jeta e tij personale dhe profesionale ishin në trazira absolute”. “Me Rebecca-n në krah, Martin bëri miliona dollarë dhe për këtë arsye i detyrohet komisione të konsiderueshme”.
Megjithatë, sikur të mos mjaftonte kjo, këngëtari latin po përballet me të tjera akuza të rënda. Së fundmi, është raportuar se ai ka dhunuar një burrë, me të cilin thuhet se ka qenë në një lidhje disa mujore, dhe për këtë arsye është lëshuar një urdhër ndalimi.
Sipas mediave portorikane, ngjarja ka ndodhur pasi këngëtari nuk e ka pranuar ndarjen që ndodhi dy muaj më parë. Sipas personit që e akuzon, Ricky jo vetëm që nuk e ka pranuar mbarimin e lidhjes, por është parë pranë shtëpisë së tij të paktën 3 herë.
Personi që mbetet anonim thotë se ka frikë për sigurinë e tij. Ndërkohë, këngëtarja ka reaguar përmes një postimi në Twitter ku shprehet se urdhri bazohej në akuza plotësisht të rreme dhe se është zotuar të përballet me fakte dhe në rrugë ligjore.
— Ricky Martin (@ricky_martin) July 4, 2022
