Jonida Maliqi ka shumë vite që është kthyer në një emër të njohur në botën e muzikës. Këngëtarja ka qenë e ftuar mbrëmjen e djeshme në programin “Style Star” në rolin e anëtares speciale të jurisë. Maliqi përveç se ka dhënë opinion e saj në lidhje me veshjet dhe stilet e konkurrentëve, gjithashtu ka folur edhe për jetën e saj personale.
Këngëtarja është bërë nostalgjike duke treguar se nuk ka shkuar në mbrëmjen e maturës, por ka preferuar të kaloj një darkë romantike me të dashurin e saj.
Jonida Maliqi ka qenë e lidhur me ish-burrin e saj, Gent Prizrenin që në moshën 17-vjeçare.
“Unë nuk kam shkuar në mbrëmjen e maturës. Klasa ime përbëhej nga 13 meshkuj dhe vetëm 6 vajza në Liceun Artistik. Për më tepër në atë periudhë unë po përjetoja një dashuri të madhe dhe i thashë mamit po shkoj në mbrëmje mature dhe dola për darkë me të dashurin.”
Kujtojmë këtu artistja është single dhe në një intervistë dy muaj më parë ka treguar se ka nevojë të japë dhe të marrë dashuri, por heziton të krijojë një lidhje të re për shkak të frikës se mos gabon dhe lëndohet. Ndër të tjera, ajo ka theksuar se po e shijon shumë të qenurit vetëm, ndërsa shtoi se përsa i përket lidhjeve kohërat kanë ndryshuara dhe s’ka më etikë.
“Mendoj se të gjithë kemi nevojë për dashuri, do ishte absurde të thosha jo, jam shumë mirë kështu siç jam. Jam e zonja e vetes, ndihem më e lirë se kurrë, kur arrin një pjekuri, ke vetëbesim ndryshe nga ç’ke qenë e re, të shijon shumë të qenurit vetëm. Por mendoj se ne qeniet humane kemi nevojë për dashuria, unë dua të jap dhe të marr dashuri, por kohërat kanë ndryshuar, ka ndryshuar gjithçka, etikat. S’mund të them morali sepse çdokush e bën sipas vetes së vetes dhe s’do doja të bëja moralisten, por më duket sikur ka ikur qëllimi, vërtetësia, dashamirësia, shpirti në mënyrë absolute. Ke frikë mos lëndohesh, sepse nuk mund t’ia lejosh vetes të bësh gabime.”
Kujtojmë se, ajo ka qenë e lidhur me Romeo Veshajn, marrëdhënie kjo që nuk zgjati shumë.
