Ai erdhi tek Real Madrid sezonin e kaluar si një yll botëror, për 80 milion euro.
Por, një vit më vonë, gjërat nuk po shkojnë shumë mirë për James Rodriguez.
Ai është aktivizuar shumë pak këtë sezon.
Fillimisht Benitez nuk kishte shumë besim tek ai, më pas pësoi edhe një dëmtim që e mbajti dy muaj larg fushave.
Me ardhjen e Zidane si trajner dhe dëmtimin e Bejl, Rodriguez ka pasur më shumë hapësirë dhe ka luajtur vazhdimisht.
Por, megjithatë paraqitjet e tij nuk kanë qenë ato që priten.
Për këtë arsye, mediat spanjolle shkruajnë se nëse do të vazhdojë kështu deri në fund të sezonit, në verë ylli kolumbian mund të dalë në shitje.
