Historia e tij është e pabesueshme.
Xhemi Vardi deri në vitin 2012 luante në kategoritë e ulëta britanike, por tashmë ai është kthyer në një yll të futbolli britanik.
Sulmuesi i Lester Sitit është golashënuesi më i mirë i Premier Ligës dhe ka hyrë në historinë e këtij kampionati, si lojtari që ka shënuar më shumë ndeshje radhazi, plot 11.
Falë golave të tij, Lester është duke tronditur Anglinë dhe ndodhet në krye të Premier Ligës, duke sfiduar miliardat e Mançester Sitit e Junaited, apo Çelsit e Arsenalit.
Dhe, ylli i këtij ekipi është padyshim Vardi, për të cilën shumë shpejt pritet të bëhet edhe një film.
Sepse karriera e tij është vërtet për film.
Deri pak vite më parë, përveç futbollit, ai punonte edhe në një fabrikë metalesh në Shefild.
Por, në vitin 2012 ai u ble për 1 milion sterlina nga Lestër dhe tashmë ka arritur të grumbullohet edhe nga Kombëtarja e Anglisë.
Në ndeshjen e fundit kundër Liverpulit, ku ai shënoi dy gola, njëri prej të cilëve spektakolar, present ka qenë edhe regjisori Adrian Butchart.
Ky i fundit është takuar me drejtuesit e klubit dhe vetë lojtarin, për t’u njohur më nga afër me historinë e tij.
Ai ka thënë se shumë shpejt do të bëjë një film për Vardin, ndërsa tani ka nisur të zgjedhë edhe aktorët.
