Theth 2016, fotografi fantastike nga studiuesi Ndoc Mulaj, brenda kullave të Malsisë, atje ku përmblidhet e gjithë historia e traditave të malësorëve të veriut.
Frengji është dritarja e vogël e kullave në Malësinë e Dukagjinit, nga ku dilte vetëm gryka e pushkës. Është karakteristike e kullave të të kësaj krahine veriore. Është një pamje mahnistëse që vjen nga Kulla e Thepit në Theth, një ndër më të vjetrat.
Fotografitë brenda kullës përcjellin traditën e kësaj krahine ndër shekuj. Padyshim që atje është sofra që simbolizon mikpritjen, thelbi i traditës së Malësisë së Veriut të Shqipërisë.
Studiuesi dhe drejtues i qendrës turistike “Alpe”, Ndoc Mulaj, na sjell fotografi të mahnitshme të kullave të Thethit, bashkë me historinë që ato mbartin brenda tyre.
