Manchester City kaloi pa shumë probleme ekipin e Leeds United në transfertë. Erling Haaland bëri sërish liderin, por i shërbyer në dy raste në mënyrë perfektë nga Grealish. Skuadra e Pepe Guardiolës ruan hapin e Arsenal, por sërish mbeten minus 5 pikë nga kreu.
Një vëmendje të veçantë në këtë sfidë e mori dhe trajneri i “Qytetarëve”, Pep Guardiola, me veprimin e tij.
I zhgënjyer pas një rasti të humbur nga lojtarët e tij, Guardiola goditi me shkelm një shishe që ndodhej në tokë dhe gabimisht ajo shkon drejt stolit të Leedsit.
Spanjolli vendosi menjëherë duart në kokë dhe vrapoi drejt kundërshtarëve për t’i kërkuar falje.
