Nesër më 13 shtator është dita e parë e shkollës për ciklin 9-vjeçarë. Megjithse ministria e Arsimit kishte premtuar se ditën e parë të shkollës, të gjithë nxënësit do të kishin tekstet shkollore, në fakt nuk ka ndodhur. Nëpër libraritë ku shpërndahet libri shkollor, mungojnë botimet si abetarja, anglishtja dhe matematika. Ministria e Arsimit vazhdon të flasë për plotësim të të gjitha teskteve por në fakt vetë zyratrët e saj, e pranojnë se në qytet e mëdha shpërndarja e teksteve është kryer në masën 90% ndërsa në qytete të tjera ka mungesë të madhe të teksteve shkollore.
Ajo që ka bllokuar këtë vit ndarjen në kohë të teskteve shkollore ka qënë mungesa e pullës së sigurisë nga ministria e Arsimit. Vonesa ka arhdur për shkak të organizimit përtej afateve, të tenderit për prodhimin e pullave të sigurisë.
