Ish-presidenti i Federatës Ruse Dmitry Medvedev deklaroi këtë të shtunë se Rusia nuk do të lejojë që një kryengritje e udhëhequr nga shefi mercenar i Wagner, Yevgeny Prigozhin të kthehet në një grusht shteti ose një krizë globale, njoftoi të shtunën agjencia shtetërore e lajmeve TASS.
Duke iu përgjigjur pyetjeve të gazetarëve, Medvedev, nënkryetar i Këshillit të Sigurimit të Rusisë, tha se e gjithë bota do të ishte në prag të katastrofës nëse armët bërthamore ruse bien në duart e “banditëve”.
Moska po përjeton momente tensioni pasi mercenarët e grupit “Wagner” janë nisur drejt kryeqytetit rus për të rrëzuar regjimin e ministrit të Mbrojtjes, Sergei Shoigu, lëvizje kjo që nga Kremlini është interpretuar si përpjekje për një grusht shteti.
Deklarata, e bërë në orët e natës mes së premtes dhe së shtunës nga Jevgjeni Prigozhin, bëri që në Moskë të rriten ndjeshëm masat e sigurisë, interneti të kufizohet dhe që në rrugët hyrëse të qytetit të vendosen barrikada me mitralozë.
Sipas të dhënave autokolona e mercenarëve të “Wagner” ndodhet 400 km në jug të Moskës.
Lidhur me ngjarjen ka reaguar paraditen e së shtunës vetë presidenti Vladimir Putin, i cili ka paralajmëruar se, “Wagner” ka vënë në lojë të ardhmen e Rusisë, duke e cilësuar lëvizjen e saj si një “thikë pas shpine”.
Pa përmendur specifikisht Prigozhin, Putin tha se “ambiciet e mëdha të dikujt janë kthyer në një tradhti të lartë”.
Kreu i Kremlinit paralajmëroi gjithashtu për “ndëshkim të pashmangshëm” të atyre që po përçajnë shoqërinë ruse, e cila sipas tij ka rënë prej e një “mashtrimi kriminal”./Euronews/
Ish-presidenti i Federatës Ruse Dmitry Medvedev deklaroi këtë të shtunë se Rusia nuk do të lejojë që një kryengritje e udhëhequr nga shefi mercenar i Wagner, Yevgeny Prigozhin të kthehet në një grusht shteti ose një krizë globale, njoftoi të shtunën agjencia shtetërore e lajmeve TASS.
Duke iu përgjigjur pyetjeve të gazetarëve, Medvedev, nënkryetar i Këshillit të Sigurimit të Rusisë, tha se e gjithë bota do të ishte në prag të katastrofës nëse armët bërthamore ruse bien në duart e “banditëve”.
Moska po përjeton momente tensioni pasi mercenarët e grupit “Wagner” janë nisur drejt kryeqytetit rus për të rrëzuar regjimin e ministrit të Mbrojtjes, Sergei Shoigu, lëvizje kjo që nga Kremlini është interpretuar si përpjekje për një grusht shteti.
Deklarata, e bërë në orët e natës mes së premtes dhe së shtunës nga Jevgjeni Prigozhin, bëri që në Moskë të rriten ndjeshëm masat e sigurisë, interneti të kufizohet dhe që në rrugët hyrëse të qytetit të vendosen barrikada me mitralozë.
Sipas të dhënave autokolona e mercenarëve të “Wagner” ndodhet 400 km në jug të Moskës.
Lidhur me ngjarjen ka reaguar paraditen e së shtunës vetë presidenti Vladimir Putin, i cili ka paralajmëruar se, “Wagner” ka vënë në lojë të ardhmen e Rusisë, duke e cilësuar lëvizjen e saj si një “thikë pas shpine”.
Pa përmendur specifikisht Prigozhin, Putin tha se “ambiciet e mëdha të dikujt janë kthyer në një tradhti të lartë”.
Kreu i Kremlinit paralajmëroi gjithashtu për “ndëshkim të pashmangshëm” të atyre që po përçajnë shoqërinë ruse, e cila sipas tij ka rënë prej e një “mashtrimi kriminal”./Euronews/
