Shoqata Patriotike “Çamëria” ka festuar 28-vjetorin e krijimit të saj. Në këtë aktivitet u promovua nisma për të pajisur çdo shqiptar të Çamërisë me kartën e anëtarësisë, ndërsa disa prej tyre u shpërndanë sot.
Kryetari i PDIU-së Shpëtim Idrizi, tha se nuk do të presim që shqiptarët të na vijnë në zyrë për të marrë kartat, por do të shkojmë shtëpi më shtëpi.
“I bëj thirrje të gjithë shqiptarëve të Çamërisë, e kanë shtëpinë e tyre, pa debat, Shoqatën “Çamëria”. E kanë edhe shtëpinë e tyre, por me debat Partinë për Drejtësi, Integrim dhe Unitet. Ju ftoj të gjithëve, që nga ai fëmija 6 muajsh, të bëheni anëtarë të Shoqatës “Çamëria”. Nuk do të presim që të na vinë te zyra, më jep mua ca karta, ti merr të tjerat dhe hajde shkojmë shtëpi më shtëpi. E nisim nga gjyshërit dhe gjyshet tona, të cilëve nuk u kemi dhënë dot atë që kanë kërkuar, të shkojnë në Çamëri se nuk e kam në dorë, po nuk do të resht. Por, të paktën t’u japim kartën e anëtarësimit Çamëria, në shtëpitë e tyre”, deklaroi Idrizi.
