Ish-kryeministri Sali Berisha, në fjalën e tij në Kuvend deklaroi se kreu i qeverisë Edi Rama ka dërguar njerëz që t’i bëjnë presion kreut të Komunitetit Mysliman Shqiptar që të dorëhiqet nga posti i tij. Berisha tha se kjo ka ardhur me kërkesë të presidentit turk Recep Tayip Erdogan. Ai shtoi se presidenti turk duhet të sjellë dosje për çdo individ, pasi shtoi se nuk mund të gjykohen njerëz vetëm pse janë shkolluar me fondet e Gylenit.
“Informohen se Edi Rama ka dërguar njerëz për t’i bërë presion kreut të KMSH për të dhënë dorëheqjen sepse sipas tij këtë kërkon Erdogan. Unë jam këtu për të dënuar me forcën më të madhe këto qëndrime të Edi Ramës. Asnjë ndërhyrje nuk lejohet në autonominë e komuniteteve fetare. I bëj thirrje presidentit të Turqisë të sjellë dosje për çdo individ. Ne nuk mund të fajësojmë njerëz që janë shkolluar me fondet e Gylenit ku ai ka qenë aleatit juaj më i ngushtë, kjo nuk mund të ndodhë. Nuk mund të ndërhyhet në këtë pikë. Për xhaminë e falënderojmë për ndërtimin. Por nesër në pushtet do paguajmë çdo qindarkë për ndërtimin e saj. Autonomia është shumë më e çmuar” – u shpreh Berisha.
Gjithashtu burime për Gijotina.com bëjnë me dije se kreu i KMSH nuk ka pranuar në mënyrë kategorike diçka të tille. Po të njëjtat burime pohojnë se mos dorëheqja e Spahiut është edhe arsyeja se përse Xhamia e madhe nuk u inagurua për Bajram
