Presidenti i Këshillit Europian, Charles Michel ka përgëzuar liderët e Ballkanit Perëndior për nënshkrimin e tre marrëveshjeve rajonale për lëvizjen, që do të ndihmojnë në një treg të përbashkët në rajon.
“Përgëzoj liderët e Ballkanit Perëndimor për nënshkrimin e tre marrëveshjeve rajonale mbi lëvizshmërinë sot që do të ndihmojnë në kthimin e tregut të përbashkët rajonal në realitet. Ballkani Perëndimor gjithashtu mund të llogarisë në mbështetjen e BE-së në sektorin e energjisë dhe me përforcimin e qëndrueshmërisë ndaj kërcënimeve hibride”, shkruan Michel në Twitter.
Marrëveshja parashikon lëvizjen e lirë me karta identiteti, njohjen e diplomave dhe njohjen dhe kualifikimet për profesionistët.
