Nënkryetari i Agimit të Artë, Christos Pappas mbetet në arrati prej ditësh, në një kohë kur të gjithë të dënuarit nga organizata kriminale tashmë janë transferuar në burgje për të vuajtur dënimin e tyre.
Mediat greke bëjnë me dije se kërkimet për Pappas, janë përqendruar edhe në Shqipëri ku dyshohet se ai mund të jetë strehuar.
Kujtojmë se Pappas u dënua me burg nga gjykata greke, ndërsa pas këtij vendimi u arratis. Ndërsa bashkëpunëtori i ngushtë i Elias Michaloliakos ka zgjedhur të mos dalë para autoriteteve pas dënimit kundër formacionit nazist dhe tani Policia Greke po heton vendet e mundshme ku ai mund të jetë strehuar.
Përveç Pappas edhe një tjetër ish deputet i Agimit të Artë është në arrati, konkretisht Loannis Lagos, aktualisht anëtar i parlamentit Evropian që jeton në Bruksel dhe ka imunitet.
