Nga një protestuese e “5 Majit” nënë Liza i është bashkuar protestës kombëtare për të kundërshtuar rritjen e çmimeve. Ndërsa u shpreh se pensionet që marrin të moshuarit nuk iu dalin as për ilaçe dhe jo më për t’u ushqyer apo për shërbime të tjera, ajo tha se ne jemi më keq se Ukrainës. Sipas Nën Lizës, Ukraina po sulmohet nga Rusia, por populli shqiptar po sulmohet nga qeveria e tij.
“Pensionet nuk dalin për bukë. Kryeministri që është burrë t’i dalë përpara këtij populli dhe t’i japin përgjigje këtij populli. Ukraina është në Shqipëri, Rusia po i bien Ukrainës, por ne na ra shteti jonë, na ra në shtëpinë tonë…Shtëpitë tona janë shkatërruar, Ukraina është në Shqipëri”, tha ajo. Ndërkohë protestuesit e tjerë, dëgjohen të brohorasin se qeveria po i vjedh dhe tani kërkon t’iu hedh hi syve” me justifikime se jemi në kohë lufte.
