Komisioni Evropian do të publikojë sot paketën vjetore të zgjerimit, e cila përcakton përparimin që kanë bërë vendet që synojnë integrimin evropian.
Në mbledhjen e Komitetit të Punëve të Jashtme të Parlamentit Europian, sot do të prezantohet ecuaria e Shqipërisë në përmbushjen e kushteve për anëtarësimin në Bashkimin Evropian.
Komisioneri i Zgjerimit, Johannes Hahn do të prezantojë Paketën e Zgjerimit në këtë mbledhje. Sakaq, kjo mbledhje, vjen pak ditë pas zgjedhjeve në BE dhe do të nisë në orën 11:00. Raporti është po ashtu edhe për Maqedoninë e Veriut.
Raporti në tërësi do të përmbajë vlerësime për ecurinë e reformave në vendet e Ballkanit duke përfshirë edhe ato të cilat janë kyçe për Shqipërinë si funksionimi i institucioneve, sundimi i ligjit si dhe lufta kundër korrupsionit.
