Kanë mbërritur në kryesinë e Kuvendit, dy negociatorët e Brukselit për zgjidhjen e krizës politike në Shqipëri, David McAllister dhe Knut Fleckenstein. Pak çaste më parë në selinë e kuvendit kishte mbërritur kryeministri Rama i shoqëruar nga kryetari i grupit parlamentar të PS-së Gramoz Ruçi, dhe nënkryetari i këtij grupi, Taulant Balla. Në selinë e Kuvendit të Shqipërisë, Ilir meta pret mysafirët i shoqëruar nga ministri Drejtësisë Petrit Vasili dhe ministrja e Integrimit Klajda Gjosha.
Dy negociatorët të cilët janë ngarkuar nga Brukseli për të gjetur zgjidhjen e krizës politike në Shqipëri, pasi opozita ndodhet prej 66 ditësh në çadrën e protestës e vendosur për të mos hyrë në zgjedhjet e 18 qershorit.
Pas takimit me Ramën e Metën, David McAllister do të takohet me kreun e PD Lulzim Basha në selinë blu. Në këtë takim mungon raportuesi për Shqipërinë Knut Fleckenstein pasi opozita ka kërkuar të mos jetë në këtë takim.
