Teatri “Thalia” Hamburg në një bashkëpunim me Teatrin Kombëtar sjellin në skenë shfaqjen “Amerika”, i pari produksion gjerman për skenën teatrore shqiptare.
Ekipi i këtij teatri, një prej kryesorëve në Gjermani, i bashkohet me këtë rast përpjekjeve të artistëve dhe qytetarëve shqiptarë për të mbrojtur godinën e Teatrit Kombëtar dhe vendos qëllimisht të bëhet pjesë e Festivalit për Mbrojtjen e Teatrit.
Shfaqja do të jepet në gjuhën gjermane ditën e hënë, më 28 tetor. Teksti është përkthyer në shqip nga Lindita Komani dhe në formë të titruar ai do të shoqërojë paraqitjen skenike.
