Kërkesa drejtuar Kuvendit nga Autoriteti i Dosjeve që një politikan i nivelit të lartë i identifikuar si I.M ka bashkëpunuar me Sigurimin e Shtetit të regjimit famëkeq komunist, shkundi politikën.
Ndërsa aludohet për ish-presidentin Ilir Meta, ky i fundit i mohoi gjatë një konferencë për shtyp akuzat e Autoritetit të Dosjeve. Ndërkaq, për të hedhur poshtë dyshimet se është “I.M” i aluduar nga Autoriteti i Dosjeve , kryetari i Partisë së Lirisë ka publikuar një foto nga regjistri i klasës së tij në Fakultetin e Ekonomisë. Në foton e shpërndarë, duket qartazi se në listë ndodhen tre “I.M”.
Kujtojmë që një ditë më parë zëdhënësi i Metës e cilësoi njoftimin e Autoritetit të Dosjeve si një sulm “patronazhistës”. Një tjetër reagim erdhi sot nga Kryetarja e Kuvendit, Lindita Nikolla e cila u dërgoi dosjen e plotë të Autoritetit të Dosjeve krerëve të grupeve parlamentare në Shqipëri.
Ende nuk ka asnjë reagim nga kryeministri Rama. Pak më parë reagoi dhe kryetari i PD-së, Sali Berisha i cili u e cilësoi të falsifikuar dosjen dhe si një hakmarrje të Ramës.
Dalin fotot, si Arber Hajdari rrinte si hije pas Veliajt dhe a po hetohet per pastrim parash nepermjet bamiresise
“Bamirësia nuk të varfëron”, thotë slogani, por në realitet është kthyer në një mekanizëm pasurimi për ata që janë trajnuar herët...
