Policia e Vlorës ka arrestuar, me qëllim ekstradimin një 47-vjeçar i shpallur në kërkim ndërkombëtar për vrasje me armë në Itali.
Policia Vlorë në bashkëpunim me Interpol Tirana kanë zhvilluar një operacion për kapjen dhe arrestimin përkohësisht me qëllim ekstradimi drejt shtetit Italian të shtetasit të shpallur në kërkim ndërkombëtar: Fatmir Halla, 47 vjeç, lindur dhe banues në Vlorë.
Ky shtetas është shpallur në kërkim ndërkombëtar nga Interpol Roma/Itali, pasi Gjykata e Asti/Itali e ka dënuar me 7 vjet burgim, për veprën penale “Vrasje me armë”, të parashikuar nga nenet 575, 56 të Kodit Penal Italian dhe Ligjit 110/75.
