Shumë rrugë në lagjet e Tiranës janë shkatërruar nga cilësia e dobët e punimeve ose në rastin më të keq, në to nuk është ndërhyrë fare. Propaganda që ofron Bashkia Tiranë nën udhëheqjen e kryetari Erion Veliaj është shumë larg realitetit të rrugëve në Shqipëri.
Një qytetar ka denoncuar për Gijotina.com gjendjen skandaloze të rrugëve në kryeqytet, ku përmes një videoje që ka mbërritur në redaksinë tonë shihet fare mirë se sa në gjendje të mjerueshme është rruga e Thesarit në Tiranë, pranë zonës së Freskut.
Në video shihet se makinat duhet të bëjnë kujdes dhe të ulin shpejtësinë kur kalojnë nëpër gropa, pasi në të kundërt do të shkatërronin automjetin. Edhe pse situata është problematike dhe në rrugë të tjera në kryeqytet, bashkia nuk merr asnjë masë dhe taksat tona i përdor për organizimin e koncerteve muzikore në funksion të show-t mediatik.
