Stadiumi ku do të luhet derbi i datës 6 mars mes Partizanit dhe Tiranës në orën 19:00 është shndërruar në një çështje të nxehtë. Pavarësisht se dihet data dhe ora e kësaj ndeshjeje, nuk është vendosur ende vendi se ku do të luhet. Kandidaturat janë dy, stadiumi “Partizani” ose “Air Albania”.
Drejtuesit e Partizanit kanë shprehur dëshirën për ta luajtur këtë ndeshje në shtëpinë e tyre dhe këtë mund ta bëjnë lirisht, pasi janë pritës dhe vendosin ata për vendin ku luhet ndeshja.
Ditën e djeshme “Panorama Sport” kontaktoi me presidentin Gazment Demi, i cili është personi që i vë kapakun kësaj çështjeje. Gjithsesi, ndryshe nga ç’e prisnim, as presidenti i Partizanit, i njohur edhe me nofkën “Gazi” nga tifozët, nuk e ka vendosur ende përfundimisht se ku do të luhet ndeshja më prestigjioze e kampionatit shqiptar.
“Të mbarojmë ndeshjen e radhës, ka kohë për derbin. Do të shohim”, janë fjalët e presidentit të Partizanit, që njihet tashmë për përgjigjet e tij precize dhe direkte.
Në përzgjedhjen e stadiumit dëshira e Partizanit bie ndesh me atë të Tiranës dhe FSHF-së, por asnjëra prej të dyjave nuk ka fuqinë juridike ta kundërshtojë.
Federata ka shprehur dëshirën të luhet në “Air Albania” për shkak se derbi konsiderohet si një reklamë për futbollin shqiptar dhe në arenën e madhe do të dukej më “madhështore”.
Stadiumi ku do të luhet derbi i datës 6 mars mes Partizanit dhe Tiranës në orën 19:00 është shndërruar në një çështje të nxehtë. Pavarësisht se dihet data dhe ora e kësaj ndeshjeje, nuk është vendosur ende vendi se ku do të luhet. Kandidaturat janë dy, stadiumi “Partizani” ose “Air Albania”.
Drejtuesit e Partizanit kanë shprehur dëshirën për ta luajtur këtë ndeshje në shtëpinë e tyre dhe këtë mund ta bëjnë lirisht, pasi janë pritës dhe vendosin ata për vendin ku luhet ndeshja.
Ditën e djeshme “Panorama Sport” kontaktoi me presidentin Gazment Demi, i cili është personi që i vë kapakun kësaj çështjeje. Gjithsesi, ndryshe nga ç’e prisnim, as presidenti i Partizanit, i njohur edhe me nofkën “Gazi” nga tifozët, nuk e ka vendosur ende përfundimisht se ku do të luhet ndeshja më prestigjioze e kampionatit shqiptar.
“Të mbarojmë ndeshjen e radhës, ka kohë për derbin. Do të shohim”, janë fjalët e presidentit të Partizanit, që njihet tashmë për përgjigjet e tij precize dhe direkte.
Në përzgjedhjen e stadiumit dëshira e Partizanit bie ndesh me atë të Tiranës dhe FSHF-së, por asnjëra prej të dyjave nuk ka fuqinë juridike ta kundërshtojë.
Federata ka shprehur dëshirën të luhet në “Air Albania” për shkak se derbi konsiderohet si një reklamë për futbollin shqiptar dhe në arenën e madhe do të dukej më “madhështore”.
