Ndryshime në tatimin e të ardhurave, kush goditet? (film)

Individët, që punojnë në më shumë se një punë, duhet të përgatiten që të paguajnë më shumë tatim mbi të ardhurat e tyre pasi rregullat po ndryshojnë (sërish!). Kjo do të ndodhë, pasi mënyra sesi llogaritet tatimi mbi pagat do të ndryshojë, duke bërë që individët të përfitojnë vetë një herë nga përjashtimi për të ardhurat deri në 30 mijë lekë.

Eksperti i tregjeve financiare, Vjoldi Danaj ishte i ftuar në Dita Jonë për të shpjeguar sesi ky ndryshim mund të prekë buxhetin familjar.

“Ndryshimi i ligjit mbi taksimin e të ardhurave personale rrezikon të japë efektet e kundërta e asaj që pritet.
Ky ligj mund ti shtyjë sipërmarrjet që të ulin deklarimet e pagave duke bërë që të rriten pagat në të zezë dhe rritjen e evezionit fiskal. Në këtë moment të vështirë që gjendet ekonomia e vendit do të ishte më me vend sikur të ndërmerreshin politika që kanë si objektiv nxitjen e konsumit dhe qarkullimin e ekonomisë.
Ky ligj rrezikon të sjelli një ulje të ndjeshme të konsumit dhe si rrjedhoje edhe mbylljen e disa mikrobizneseve që për efekte zinxhir mund të sjell një rritje të numrit të papunësisë dhe rritjen e mëtejshme të emigracionit.
Kjo rritje e taksimit mbi të ardhurat personale do të thotë që bizneset do të paguajnë rreth 42% më shumë për pagat nëse do të merrnim pagën mesatare me vlerën 50.000 Lek. Nuk jam kundër taksave sepse në fund të fundit taksimi është frymëmarrja e çdo shteti sidomos shtetet si Shqipëria ku eknomia është shumë e brishtë dhe punëdhënësi më i madhë vijon të mbetet administrata publike. Por historia ka treguar se të gjitha shtetet që kanë aplikuar politika të tilla si rrijta e taksave ose rritja e presionit fiskal për bizneset kanë kuptuar se ka qënë rruga më e gabuar për tu ndjekur. Në perjudha kohore afatëshkurta kjo strategji mund të sjell disa shifra në arkat e shtetit por në periudh afatgjate kthehet në një problem madhor. Një skenar i till do të ishte vrasës për eknominë e brishtë Shqiptare. Kemi nevoj për politika makroekonomike dhe strategji afatëgjate të qarta për zhvillimi”, ka shpjeguar Vjoldi Danaj, ekspert për politikat ekonomike dhe sipërmarrjet.