Komisioni i Rithemelimit ka zhvilluar një mbledhje në selinë e Partisë Demokratike, ku pritet të miratohen disa ndryshime në statutin e 11 dhjetorit 2021, të cilat do t’i paraqiten Kuvendit Kombëtar të 30 prillit për miratim. Mbledhja e Komisionit të Rithemelimit ka karakter organizativ, ndërsa në Kuvendin e 30 prillit priten të zgjidhen anëtarët e Këshillit Kombëtar, ndërsa deputetët dhe drejtuesit e degëve të zgjedhur së fundmi nga anëtarësia, do të jenë anëtarë të forumit më të lartë politik mes dy Kuvendeve, pa u votuar.
Më pas do të jetë Këshilli Kombëtar i PD që do të zgjedhë Kryesinë, nënkryetarët, Sekretarin e Përgjithshëm, si dhe sekretarët e tjerë të kësaj partie, duke plotësuar në këtë mënyrë të gjithë strukturën drejtuese, përveç Kryetarit. Deri në zgjedhjen e Kryesisë së re, PD do të drejtohet nga Komisioni i Rithemelimit.
