Kylian Mbappe dukej i destinuar për të veshur fanellën e Real Madrid, një transferim që pritej të zyrtarizohet në fund të këtij sezoni, por nuk e mendon në këtë mënyrë L’Equipe. Prestigjiozja franceze vjen këtë të martë me një version të ri që lë gjithçka pezull.
Sipas L’Equipe: Mbappe në mënyrë surprizë ka hapur negociatat me PSG për të diskutuar mundësinë për një rinovim të mundshëm të kontratës. Në fakt, klubi francez në mënyrë konstante e ka kërkuar këtë duke qenë të gatshëm të plotësojnë yllit të tyre çdo kërkesë të mundshme, janë të gatshëm ta shndërrojnë në çdo moment në lojtarin më të paguar në botë, plus bonuse të ndryshe nëse firmos rinovimin e kontratës.
