Ndërtuesit: Zgjidhja përfshirjen e shtetit dhe kthimi në banesa sociale
Prej vitesh industria e ndërtimit është në krizë. Në të gjithë vendin aktualisht janë mbi 10 mijë apartamente të pashitura. Miliona euro kanë mbetur të ngrira në beton si pasojë e stokut të apartamenteve të pashitura, Arben Dervishi i Shoqatës së Ndërtuesve tha: “Sidomos në zonat periferike të Tiranës, në zonat e Golemit, Vlorës, janë një sasi e madhe stoku që vazhdon të mbetet sepse janë bërë investime të gabuara në zona të gabuara”. Për zgjidhjen e situatës së krijuar ndërtuesit kërkojnë përfshirjen e shtetit për shndërrimin e këtyre apartamenteve në banesa sociale.
