Ka ndërruar jetë rrugës për në spitalin e Tiranës i riu që në orët e para të mëngjesit të sotëm dogji veten me benzinë.
Për shkak të plagëve të rënda ai u nis me ambulancë drejt kryeqytetit, për trajtim më të specializuar, por nuk arriti të mbijetojë.
Ngjarja tronditëse ndodhi në qytetin e Elbasanit në Lagjen “28 Nëntori” afër Kryqëzimit të Luleve.
Kanë qenë kalimtarë të rastit ata që kanë pikasur këtë veprim të rëndë të personit në fjalë dhe kanë lajmëruar ambulancën dhe policinë.
Nuk dihen arsyet që çuan të riun drejt aktit të rëndë, por ka dyshime të forta se ai vuante nga depresioni.
