Mbreti i kombit Zulu, në Afrikë, Goodwill Zwelithini ka ndërruar jetë në moshën 72-vjeçare këtë të premte.
Mbreti ushtroi ndikim të madh midis miliona Zulusëve përmes rolit të tij kryesisht ceremonial dhe shpirtëror, pavarësisht se nuk kishte asnjë fuqi zyrtare në Afrikën e Jugut.
“Me pikëllimin më të madh unë informoj kombin për vdekjen e Madhërisë së Tij Goodwill Zwelithini… Mbreti i kombit Zulu”, tha pallati në deklaratën e nënshkruar nga Mangosuthu Buthelezi, një politikan i fuqishëm i cili është gjithashtu një princ Zulu.
Mbreti u shtrua në spital muajin e kaluar për diabet.
“Tragjikisht, ndërsa ishte ende në spital, shëndeti i Madhërisë së Tij mori një drejtim për keq dhe ai më pas vdiq në orët e para të këtij mëngjesi,” tha deklarata.
“Në emër të Familjes Mbretërore, ne falënderojmë kombin për lutjet dhe mbështetjen tuaj të vazhdueshme në këtë kohë të vështirë.”
Lindur në Nongoma, një qytet i vogël në provincën juglindore Kwa-Zulu Natal, Zwelithini u ngjit në fron në 1971 në moshën 23 vjeçare, tre vjet pas vdekjes së babait të tij.
