Kryetari i Dhomës së Avokatëve në Berat, Agron Mahmutaj, ka ndërruar jetë pasi prej javësh ishte i intubuar pas infektimit me Covid-19.
Kryetari i Dhomës së Avokatëve të Beratit që prej vitit 2017, avokati Agron Mahmutaj nuk ka mundur ta fitojë dot betejën me koronavirusin dhe ka ndërruar jetë ditën e djeshme.
Mësohet se 51-vjeçari Mahmutaj u prek nga virusi disa javë më parë. Ai u shtrua fillimisht në Repartin e Karantinës në Spitalin Rajonal të Beratit, ku u mbajt disa ditë në oksigjenim. Pas përkeqësimit të gjendjes së tij shëndetësore ai u dërgua në Tiranë, ku qëndroi për dy javë i intubuar në spitalin “Shefqet Ndroqi”. Ditët e fundit avokati 51-vjeçar pësoi një agravim të menjëhershëm dhe dje ai ndërroi jetë.
