Një 13 vjeçar shqiptar është plagosur me armë zjarri gjatë natës së shkuar në qytetin e Milanos pasi ndërhyri për të mbrojtur nënën e tij.
Sipas mediave italiane, 45 vjeçari italian Angelo Di Matteo ka hyrë në banesë në gjendje të dehur dhe ka nisur një grindje të dhunshme me të fejuarën e tij, një shtetase shqiptare 51-vjeç.
Gjatë grindjes, djali i saj 13 vjeçar ka reaguar për t’i ardhur në ndihmë nënës së tij, por italiani ka hapur zjarr kundër tyre, duke plagosur adoleshentin shqiptar me një pistoletë të tipit Berretta 98.
