Ditën e sotme është ndarë nga jeta për shkak të COVID-19 në moshën 59-vjeçare, Kasem Hysenbelliu, pronar i njohur i disa mediave në Shqipëri.
Kasem Hysenbelliu ishte vitet e fundit, President i “Fax News”. Më parë, ai administronte News 24 dhe gazetën Panorama!
Hysenbelliu u nda nga jeta mëngjesin e sotëm në Turqi, ku ishte duke u kuruar prej disa javësh, e ku nuk mundi që të fitonte dot betejën me Covid, pavarësisht përpjekjeve të mjekve dhe lutjeve të familjarëve, miqve dhe të gjithëve atyre që e kanë njohur.
Hysenbelliu themeloi dhe administroi TV Fax News që nga tetori 2017, ndërsa sot është dhe 4-vjetori i krijimit të Faxweb.al, që daton në treg që nga data 5 dhjetor të 2016-tës.
Hysenbelliu themeloi të parin televizionin të pavarur në vend dhe aktualisht, Fax News u përpoq ta shndërronte në zërin e njerëzve të thjeshtë.
