Është ndarë nga jeta në moshën 64 vjeçare ambasadori rus i Kombeve të Bashkuara, Vitaly Churkin.
Mësohet se Churkin ka humbur jetën një ditë para ditëlindjes së 65 të tij ndërsa ende nuk dihen shkaqet e qarta të vdekjes së tij.
Ministria e Punëve të Jashtme ruse ka shprehur ngushëllimet ndaj familjes së ambasadorit, sipas tyre një diplomat i denjë rus.
Përfaqësuesi i Rusisë në OKB, Yevgeniy Zagaynov tha se Churkin nuk reshti kurrë së punuari deri në ditën e fundit të jetës së tij pasi ai vdiq ditën e sotme ndërsa ishte në punë.
Ambasadori Churkin shërbeu si Përfaqësues i përhershëm i Rusisë në Kombet e Bashkuara që prej vitit 2006 deri ditën e vdekjes së tij në vitin 2017. Më parë ai ishte Ambasador në Ministrinë e Punëve të Jashtme i Federatës Ruse (2003-2006), ambasador në Kanada (1998-2003), Belgjikë, zv/Ministër i Jashtëm dhe Përfaqësues Special i Presidentit të Federatës ruse (1992-1994).
