Muhamed Ali, ish-kampioni botëror i peshave të rënda në boks, ndahet nga jeta në moshën 74 vjeçare.
Ai vuante nga sëmundja e rëndë e parkinsonit që nga mosha 32 vjeçare. Ali ndërroi jetë në një spital të Arizonës në Feniks ku prej ditësh mjekohej për çrregullime të frymëmarrjes. Shërbimi funeral i legjendës së boksit është planifikuar të mbahet në qytetin e tij të lindjes, në Louisville të shtetit Kentaki.
Cassius Clay, i njohur botërisht si Muhamed Ali, filloi të merrej me boks që në moshën 12 vjeçare.
Disa nga arritjet me të mëdha të të “madhit” ishin:
-në 1960 mori pjesë në lojrat Olimpike ku fitoi medaljen e arit për peshën e lehtë
-mposhtja e Sonny Liston në 1964, ku mori edhe titullin e parë si kampion bote për pesha të rënda, titull që e gëzoi deri në vitin 1967
-në 1974 ai u rikthye me ndeshjen “Rumble in the Jungle” kundër George Foreman, që u vlerësua si një ndër ndeshjet më të bukura të këtij sporti të asaj periudhe
-në 1981 ai u tërhoq nga boksi. Gëzonte plot 56 fitore ku 37 knock out ku 19 me pikë dhe 5 humbje në të cilat 4 me pikë dhe 1 i tërhequr
Pas gjithë këtyre arritjeve, ai u bë një boksier i admiruar saqë u shpall dhe Sportist i shekullit të XX nga revista “Sport Illustrated”. Pas fitores së titullit kampion për peshat e rënda, Muhamed u bë besimtar i fesë myslimane dhe nuk pranoi të shkonte ushtar në Vietnam.
