Është ndarë nga jeta një nga pionerët e Cirkut shqiptar, Kosta Papanikolla, i cili së bashku me Talat Agollin hodhën themelet e këtij arti.
Papanikolla ishte shumë i dashur për të gjithë, sa edhe kolegët e tij e thërrisnin “Daja”, ndërsa ka lënë mbresa dhe ka bërë për vete publikun shqiptar përmes shfaqjeve të shumta mjaft profesioniste në nivel të lartë edhe ndërkombëtar.
Gjatë karrierës së tij artistike, Kosta Papanikolla u aktivizua dhe debutoi në disa profile të cirkut duke realizuar numra xhonglerimi, numra ekuilibri me trungje, me bambu dhe shkallë, numra në ajër, numra si prestigjator etj. Ka kryer specilizimi njëvjeçar në Kinë në vitet 1975-1976. Ka kryer arsimin e lartë profesionalnë Institutin e Kulturës fizike “Vojo Kushi”.
Pas vitit 1990 ai u vendos me familjen në qytetin e Udinës në Itali. Artisti Papanikolla ishte babai i tre vajzave dhe gjysh i disa nipërve e mbesave.
