Ndahet nga jeta në moshën 60-vjeçare, aktorja e njohur shqiptare Shpresa Bërdëllima.
Ajo jetonte prej vitesh në shtetin belg bashkë me familjen, ku edhe ndërroi jetë.
Prej vitesh Shpresa Bërdëllima vuante nga një sëmundje e rëndë, e cila e rrëmbeu para kohe.
Bërdëllima do të kujtohet për rolet e saj në filmat “Vajzat me kordele të kuqe”, “Përtej mureve të gurta”, “Era e ngrohtë e thellësive”, “Kur hapen dyert e jetës”, “Kur ndahesh nga shokët”, “Të shoh në sy”, “Mirela”, “Flutura në kabinën time” etj.
Shpresa Bërdëllima ishte padyshim një nga vajzat më të bukura të Tiranës dhe ishte e pamundur që të mos binte në sy të regjisorëve, që ishin në kërkim të portreteve të spikatura.
