Aktori i njohur i “Titanik”, Bill Paxton ka ndërruar jetë në moshën 61-vjeçare për shkak të një komplikacioni pas një ndërhyrjeje kirurgjikale në zemër.
Paxton do të mbahet mend për rolet e tij në shumë filma, veçanërisht tek filmi “Titanik”, “Aliens”, “Twister”, “Apollo 13” dhe “Edge of Tomorrow”.
Ai e filloi karrierën e tij në Hollywood duke punuar në filma në departamentin e artit dhe vazhdoi të ketë një karrierë të shquar që përfshin katër dekada, si një aktor i sukseseshëm dhe regjisor.
61-vjeçari kishte fituar një çmim Emmy dhe ishte nominuar për çmimet Golden Globes. Komente të shumta ngushëllimi nga fansat e aktorit kanë vërshuar drejt familjes.
