Humbje e papritur e Napolit 1-3 në shtëpi përballë Fiorentinës. Skuadra e drejtuar nga Rud Garcia nuk ia doli të merrte pikë ndaj ekipit vjollcë, që u tregua cinike në mundësitë që iu dhanë për ta ndëshkuar kundërshtarin.
Shënuan për miqtë Brekalo, Bonaventura dhe Gonzalez, që e bënë të pavlefshëm barazimin e përkohshëm të Osimhenit me penallti.
Nis me gol sfida mes Napolit dhe Fiorentinës në stadiumin “Maradona”. Skuadra vendëse u kap në befasi në minutën e shtatë, Lucas Martinez Quarta goditi shtyllën me topin që përfundon në këmbët e Brekalos, i nuk zhgënjen duke e dërguar në rrjetë, 0-1.
Barazohet sfida në stadiumin “Maradona” në minutën e pestë shtesë të pjesës së parë. Osimhen shndërron në gol një 11-metërsh të fituar nga ai vetë.
Kur pritej goli i dytë i Napolit, që do të përbyste rezultatin, Fiorentina kthen epërsinë me Bonaventurën, që përfiton nga një top që i del me fat në një pozicion tepër të volitshëm, 2-1.
Kundërsulm vrastar i Fiorentinës në shtesë, Gonzalez vulos fitoren 1-3.
