Napoli ka mposhtur Lazion në një transfertë të vështirë. Skuadra e Spallettit mposhti 2-1 me përmbysje Lazion dhe kryeson për momentin me pikë të barabarta me Milanin, në pritje të ndeshjeve të Romës e Atalantës. Klubi romak e nisi ndeshjen në mënyrë fantastike, pasi që në minutën e katërt shënoi me anë të Zaçagni. Gjithsesi Napoli u hodh në sulm dhe kërkoi golin e barazimit. “Axurrët” ia dolën që në pjesën e parë.
Blerja e verës, mbrojtësit Kim Min-Jae, ia doli të ndëshkonte skuadrën e Lazios dhe skuadrat iu drejtuan dhomave të zhveshjes me rezultatin 1-1. Napoli nuk ishte i kënaqur me një pikë. Këmbëngulja u shpërblye, teksa gjeorgjiani Kvaratskhelia ishte ai që shënoi golin e avantazhit pas një ore lojë. Napoli e ruajti epërsinë në vazhdim dhe mori pikët e plota në Romë. / abcneës.al
Lazio-Napoli 1-2
Zaçagni 4’ / Kim Min-Jae 38’, Kvaratskhelia 61’
