Naftëtarët e uzinës së Ballshit kanë dal sërish në protestë pasi nuk kanë marrë asnjë përgjigje për 23 pagat e prapambetura.
Një prej punonjëseve më të vjetra tha se ka marrë kredi për të jetuar në një kohë që sipërmarrësi me paratë e saj bën biznes.
“Ai më mban mua 44 rroga kam marrë 7 milionë kredi për hallin që më ka rënë. Bashkëshorti im është operuar tre herë. Unë paguaj kredinë ai bën biznes me paratë e mia. Kush i ka lekët tona kushe vodhi punën time. Nuk bërtita nuk ulërita se më duket se uzina është fëmija. Kam tete muaj pa asnjë lekë në shtëpi”, është shprehur punonjësja.
Kjo zonjë dhe bashkëshorti i asaj janë ndër punonjësit më të vjetra të Rafinerisë së Ballshit e cila së bashku me dhjetra të tjerë kanë dalë sërish në protestë për të kërkuar pagat e prapambetura. Ajo i kërkoi drejtuesit të sindikatës së naftëtarëve që të bëjë më shumë presonin tek strukturat shtetërore që problemet e tyre të kahershme të zgjidhen dhe shfaqi hapur dhe bindjen politike.
“Vëlla o të na nxjerrë në pension të më japin statusin urgjent dhe mos na gënjejë. I lutem sindikatës që ta ngrejë me zë të lartë. Unë jam me Edi Ramën e dinë të gjithë por fjalën mos e hajë. Unë dua lekët se çfarë do bëjë me uzinën nuk më duhet”, është shorehur ajo.
Ndërsa kreu i sindikatës tha se në Ministrinë e Energjitikës janë marrë disa vendime në lidhje me rifillimin e punës, por me naftëtarët askush nuk ka biseduar ndaj ai lëshoi dhe një thirrje.
“Ministria Balluku mori vendim të prerë për të vënë në punë rafinerinë, por deri tani për ne kanë heshtur. Ndaj duam tju themi se 8 muaj pa punë dhe pa bukë familjet e naftëtarëve janë në gjendje ekonomike më të keqe të mundëshme. Po bëjmë një thirrje të vijnë të ulen të dëgjojnë kërkesat që kemi. Zgjidhja të jepet një orë e më parë”, ka thënë ai.
