Janë publikuar detaje të reja rreth 89-vjeçarit Çaush Shehaj, i cili u dhunua së bashku me bashkëshorten e tij nga dy persona. Grabitësit i kanë shkaktuar plagë të rëndë të moshuarit që do të ndërronte jetë në spital. Çifti i bashkëshortëve jetonin vetëm në fshatin Klos të Mallakastrës pasi fëmijët e tyre i kishin në emigrim.
Dy autorët e kanë dhunuar keq 89-vjeçarin, duke i shkaktuar plagë të rënda. Sipas dëshmive të familjarëve, autorët kanë shkelmuar derën dhe kanë hyrë brenda ndërsa janë drejtuar te një kasafortë për të marrë para. Vetë bashkëshortja e viktimës tha se janë goditur të dy nga dy të rinjtë.
“Nuk ishte sëmurë por iku. Më kanë goditur, të dyve”, tha bashkëshortja. Ndërsa të afërm të çiftit thanë se e kanë gjetur të moshuarin në mes të shtëpisë, të gjakosur.
“Neve pamë që ishte goditur, dhe ishte në gjak. Ishte në mes të shtëpisë. Ka ikur pothuajse dac. Ambulanca erdhi menjëherë. Ja dera tek është, shiko, e kanë shqyer. Edhe herën e parë kështu e bën. Këta i kanë rënë në këmbë se këtu gjetëm baltë. Të shikosh jastëkun e motrës sime. Nuk tha asnjë fjalë ai“, tha kunata e 89-vjeçarit.
“Vajta të merrja qumësht e takova gruan e më tha Caushin e kanë bërë gjak. E gjet shtrirë tërë gjak. Erdhi hajduti me automatik. Ishte i gjakosur në tapet. Ka gjurmë akoma“, tha një tjetër e afërme e familjes Shehaj.
