Këngëtarja e famshme në një mesazh prekës për historinë e djalit të Çamërisë, Sokol Sejko, që u vra nga regjimi komunist.
“Të mos harrojmë krimet që janë bërë ndaj popullsisë së Çamërisë.”
Është ky mesazhi i këngëtares së mirënjohur shqiptare, Myfarete Laze. Ajo ka komentuar një prej artikujve të publikuar në 27.al që lidhet me historinë tragjike të birit të Teme Sejkos, çamit që u persekutua dhe u vra dhunshëm nga regjimi komunist, bashkë me të birin.
“U prehtë në paqe. Të rrojmë e ta kujtojmë, jo vetëm si djalin tonë të këputur në lule të jetës, por mos të harrojmë krimet ndaj Çamërisë. Amanetin e të parëve. Të gjithë bashkë sot ma shumë se kurrë!”, shkruan Myfarete Laze, duke komentuar artikullin qe sjell detaje nga vrasja e të birit të Teme Sejkos.
Është një nga ato historitë e vrasjes dhe persekutimit të popullsisë së Çamërisë edhe nga regjimi komunist, pasi kishin kaluar kalvarin e tmerrshëm të genocidit të shtetit grek. Ndërkohë, këngëtarja e njohur shqiptare, Myfarete Laze është bijë e Çamërisë dhe ja si i këndon ajo vendit të të parëve të saj, bashkë me Aleksandër Gjokën e Shaban Zenelin.
