Ish-deputeti demokrat Besnik Mustafaj është shprehur se mazhornca dhe opozita e vendit nuk po bëjnë asnjë hap përpara në zgjidhjen e krizës politike.
I ftuar në studion “Opinion” të studios së lajmeve në “News 24”, Mustafaj u shpreh se për të zgjidhur krizën duhen parti antisistem, ndërsa Vetëvendosja nuk është e tillë.
“Pozita dhe opozita duken tepër të larguara dhe nuk shoh vullnet për të zgjidhur krizën. Po, besoj se duhen parti antisistem. Kështu lindën parti antisistem dhe morën pushtetin në Itali, edhe Trump në Amerikë ishte antisistem. Ndërsa Vetëvendosje që kërkon të jetë edhe në Shqipëri parti, nuk është një parti antisistem. Vetëvendosje ka pasur shumë deputetë në parlamentin e Kosovës, ka marrë pjesë në Komisione në Kosovë dhe madje ka udhëhequr edhe Prishtinën”, u shpreh Mustafaj.
