Mustafa Aruçi dhe pse 104 vjeç përsëri quhet lezeti i grupit, “Pleqtë e Krujës”. Me zërin e tij ai ka përcjellë traditën krutane për dekada me radhë. Mustafa Aruçi, ose siç e quajnë ndryshe, gjyshi Faja tani 104 vjeç. Eshtë i vetmi nga të parët “Pleqtë e Krujës” që vazhdon të jetë jo vetëm ende në jetë, por dhe aktiv në grup. Zëvendësimi i pleqve me të tjerë bën që kjo traditë të mos vdesë kurrë dhe që “Pleqtë e Krujës” ta përcjellin traditën e këngët popullore edhe tek brezi i ri.
Në një intervistë për Deutsche Welle, Mustafa Aruçi thotë se “kam hyrë për 105 vjeç dhe hala nuk kam qejf me ju nda edhe 100 vite”.
Ai thotë se, “deri në kohën e shpirtit, që të më dalë, dua të më dali me shokë, të mbajmë njëri-tjetrin me nder, të punojmë të gjithë për njëri-tjetrin e njëri për të gjithë”. Etno-muzikologu Mehmet Llubani thotë se sekreti i jetëgjatësisë së Mustafa Aruçit është muzika, pasi siç thonë kompozitorët muzika është ushqim i shpirtit.
“Ai e ka filluar muzikën që me festivalin e parë të folklorit në 1954, kurse në 1957 u bashkua me grupin “Pleqtë e Krujës”, ku vazhdon edhe sot”, thotë Llubani.
https://www.facebook.com/web.konica.al/videos/406972733069605/
