Rreth 68 milionë lekë janë paguar nga taksat e shqiptarëve për vendosjen e pemëve në aksin Qafë – Kashar- Rinas, por Ministria e Mjedisit, e cila ka bërë tenderin s’ka vendosur asnjë qindarkë për mirëmbajtjen e tyre.
Sot kur kanë kaluar tre vite nga shpallja e fituesit të tenderit dhe mbjelljes së pemëve situata është e trishtë, asnjë pemë s’është më e gjelbër dhe të gjitha janë tharë.
Ajo ç’ka duket me sy të lirë është se këto pemë janë tharë dhe mungesa e ujit apo mos mirëmbajta janë shkaqet që kanë prodhuar këtë pasojë.
Sipas kësaj kontrate, në korrik të 2014 Ministria e Mjedisit ka tenderuar 68 396 651 lekë për “Gjelbërimin dhe sistemin anësor të aksit rrugor, mbikalimi i Kazmës – Qafa e Kasharit – Rinas”.
Por 3 vjet më vonë askush nuk kujdeset më për gjelbërimin, duke bërë që shpenzimi prej miliona lekësh të shkojë dëm për mungesë të mirëmbajtjes.
/Report Tv/
